သြဂုတ်လ ၁၂ ရက်နေ့၌ အပြည်ပြည်ဆိုင်ရာ သယ်ယူပို့ဆောင်ရေး အလုပ်သမားများ အဖွဲ့ချုပ်- အဖွဲ့ဝင် ယူကရိန်းနိုင်ငံ ပင်လယ်ရေကြောင်း သယ်ယူပို့ဆောင်ရေး အလုပ်သမားများ ကုန်သွယ် သမဂ္ဂ (Marine Transport Workers’ Trade Union (MTWTU)) သည် ယူကရိန်း သင်္ဘောသား ၆ ဦးအား ဆိုးသွမ်းသော အယောင်အဆောင် ကိုယ်စားလှယ်၏ လိမ်ညာမှု ခံရပြီးနောက် အိမ်ပြန်လာရန် ကူညီပေးခဲ့သည်။
ဇူလိုင်လ အစဦးပိုင်း၌ ယူကရိန်း သင်္ဘောသား ၂၀ ဦးသည် အလုပ်ကန်ထရိုက်စာချုပ်များကို Kharatyan Crew Management တည်ထောင်သူဖြစ်သည့် ယူကရိန်းနိုင်ငံသား စီမံပေးသည့် ကိုယ်စားလှယ်ဖြစ်သူဖြစ်သူ Artur Kharatyan ဆိုသူနှင့် MV Arif Kaptan နှင့် MV Rachel Borchard သင်္ဘောများပေါ်တွင် အလုပ်လုပ်ရန် လက်မှတ်ရေးထိုးခဲ့သည်။ လက်မှတ်ထိုးပြီး များမကြာမီ Kharatyan သည် သင်္ဘောဝန်ထမ်းများအား တူရကီနိုင်ငံ Karasu သို့ပို့ဆောင်ပေးခဲ့သည်၊ ၎င်းနေရာတွင် သူတို့သည် သင်္ဘောပေါ် တက်ရမည်ဟု မှတ်ယူခဲ့ကြသည်။
သင်္ဘောသားများကို ၎င်းတို့၏ သင်္ဘော ပြေးဆွဲမှု အသစ်သို့ တက်ရောက်ရန်အတွက် စောင့်ဆိုင်းရန် Karasu ရှိ ဟိုတယ်တစ်ခုသို့ ပို့ခဲ့သည်။ သို့သော်လည်း အရာများမှာ စတင်၍ သံသယဖြစ်ရန် အချိန်ရောက်လာသည်။ နေ့သစ်တိုင်းတွင် သင်္ဘောဝန်ထမ်းများသည် ၎င်းတို့၏ သင်္ဘောပေါ် မတက်ရောက်ခဲ့ကြပါ။ တက်ရောက်ရမည့်အစား စီမံသည့်ကိုယ်စားလှယ်က သူတို့အား ပြောမည်မှာ သင်္ဘောဝန်ထမ်း အပြောင်းအလဲလုပ်ရေးသည် ယခုပင် စတင်ခဲ့သည် - သူတို့အနေဖြင့် အနည်းငယ် စောင့်ဆိုင်းရန်သာ လိုမည်ဖြစ်ပါသည်။
နေ့ရက်များမှာ တစ်ပတ်ထက် ပို၍ ကြာခဲ့သည်။ တစ်ပတ်မှ နှစ်ပတ် ရောက်ခဲ့သည်။ ယင်းနောက် ရုတ်တရက် Artur Kharatyan အဆက်အသွယ် ဖြတ်တောက်ပြီး သူ့ဖုန်းကို ပိတ်ခဲ့သည်။
Kharatyan ထံမှ အဆက်အသွယ် မရှိဘဲ နိုင်ငံခြား ဆိပ်ကမ်း၌ရှိစဥ် ယူကရိန်း သင်္ဘောသားများသည် ယခု သူတို့၏ ပြဿနာများမှာ ပိုမိုကြီးထွားလာကြောင်း သိရှိခဲ့သည်။ ၎င်းတို့၏ ဟိုတယ်အခန်းခများကို သင်္ဘောကုမ္ပဏီကဖြစ်စေ သို့မဟုတ် စီမံသည့် ကိုယ်စားလှယ်ကဖြစ်စေ မပေးချေရသေးဘဲ များမကြာမီ သူတို့သည် Karasu ၌ အခန်းခနှင့် စားစရိတ်အတွက် ကြီးကြီးကျယ်ကျယ် အကြွေး ခေါင်တက်လာခဲ့ကြောင်း တွေ့ရှိခဲ့သည်။ ဟိုတယ် ပိုင်ရှင်သည် သူတို့၏ နိုင်ငံကူးလက်မှတ်များကို သူ့အား ပေးရန်ရှိသည့် အကြွေးကို ပြန်ဆပ်ရန် အာမခံအဖြစ် သိမ်းဆည်းထားခဲ့သည်။ သင်္ဘောသားများသည် ယခု တူရကီနိုင်ငံတွင် ချောင်ပိတ်မိခံခဲ့ရသည်။
MTWTU ပထမ ဒု-ဥက္ကဌဖြစ်သူ Oleg Grygoriuk က ပြောသည်မှာ သင်္ဘောတက်ရန် ခရီးမထွက်မီ သင်္ဘောသားများအနေဖြင့် အခမဲ့ ဝက်ဘ်ဆိုက် အမျိုးမျိုးနှင့် ရရှိနိုင်သော မိုဘိုင်းအက်ဖ်တို့ကို သင်္ဘော၏ တည်နေရာကို ကြည့်ရန်နှင့် စီမံသည့် ကိုယ်စားလှယ်များနှင့် သင်္ဘောပိုင်ရှင်များက သူတို့အား ပြောကြားချက်များမှာ အများပြည်သူအားဖြင့် ရရှိနိုင်သည့် သတင်းအချက်အလက်များနှင့် ကိုက်ညီကြောင်း သေချာစေရန် အသုံးပြုသင့်သည်။
“အဆိုပါ သင်္ဘောသား မည်သူတစ်ဦးတစ်ယောက်ကမျှ အလုပ်ကန်ထရိုက်များကို လက်မှတ်မထိုးမီ သို့မဟုတ် တူရကီသို့ ခရီးမထွက်မီ သင်္ဘောများ သို့မဟုတ် တည်နေရာများကို စစ်ဆေးရန် မစဥ်းစားခဲ့ပါ။ အကယ်၍ သူတို့သည် MTWTU ထံမှ အကြံဉာဏ်ကို တောင်းခံခဲ့လျှင် ဤသို့လုပ်ရန် သူတို့ သိရှိခဲ့ပါလိမ့်မည်၊” ဟု Grygoriuk က ပြောကြားခဲ့သည်။
“ယင်းနောက် ပြဿနာ ပေါ်လာသည့်အခါ ကျွန်ုပ်တို့၏ သမဂ္ဂသည် သင်္ဘော နှစ်စင်းလုံး၏ ပိုင်ရှင်များကို ၎င်းတို့အနက် မည်သူကမျှ Kharatyan Crew Management နှင့် အဆက်အသွယ် တစ်ခုခု မရှိခဲ့ဘူးကြောင်းကို သိရှိရန်အတွက် ဆက်သွယ်ခဲ့သည်။ မယုံကြည်နိုင်လောက်အောင်ပင် MV Arif Kaptan သင်္ဘောကို ချောင်ထိုးထားပြီး ပြေးဆွဲမှု မရှိသည်မှာ သုံးနှစ်ရှိပြီးဖြစ်သည်။”
Grygoriuk က ပြောကြားခဲ့သည်မှာ “မသမာသော” Kharatyan လက်တွင်းသို့ သားကောင်အဖြစ် ကျရောက်ခံခဲ့ရသည်မှာ ဤအကြိမ်သည် ပထမ အကြိမ် မဟုတ်ပါ။
“ယခု နှစ်ပေါင်းများစွာအတွင်း သင်္ဘောသားထံမှ ခြိမ်းခြောက်ငွေညှစ်ခြင်းနှင့် ၎င်းတို့ထံမှ လာဘ်တောင်းခြင်း အတွက် ဤလူလိမ်လူညာ Kharatyan အပေါ် ပြစ်မှုဆိုင်ရာ တရားစွဲဆိုမှုများမှာ ဆက်လက်၍ တရားဆိုင်နေလျက်ရှိသည်။” ဟု Grygoriuk က ပြောကြားခဲ့သည်။
“ဤကိစ္စကို ပိုဆိုးအောင်လုပ်လိုက်သည့်အရာမှာ ယူကရိန်း သင်္ဘောသား ၂၀ ဦးသည် အလုပ်ကန်ထရိုက် အတု ချုပ်ဆိုသည့်အတွက် Kharatyan အား တစ်ယောက်လျှင် USD 1,500 မှ USD 7,000 အထိ ပေးရန်လိုခဲ့ရသည် ဖြစ်သည်။”
သြဂုတ်လ စောစောပိုင်း၌ သင်္ဘောသား ၁၄ ဦးသည် ၎င်းတို့၏ ကိုယ်ပိုင် စရိတ်ဖြင့် အိမ်ပြန်ခဲ့ကြသည်။ ကျန်ခြောက်ဦးမှာ ဟိုတယ်ပိုင်ရှင်အား အခန်းခ အကြွေးပေးရန် မတတ်နိုင်ခဲ့ကြပြီး သူတို့၏ နိုင်ငံကူးလက်မှတ်များကို ပြန်မရနိုင်ခဲ့ကြပါ။ ထို့ပြင် အများအပြားမှာ တူရကီနိုင်ငံမှ အိမ်ပြန်ရန် မတတ်နိုင်ကြပါ။
“ထိုကိစ္စမှာ MTWTU က ITF ထံမှ အကူအညီတောင်းခံသည့် အခါဖြစ်ပါသည်၊” ဟု ပထမ ဒု-ဥက္ကဌဖြစ်သူ Grygoriuk က ပြောကြားခဲ့သည်။
အစ်စတန်ဘူလ်ရှိ ယူကရိန်း ဒု-ကောင်စစ်ဝန်ဖြစ်သူ Oleksandr Dimchev သည် သင်္ဘောသားများ၏ အခန်းခ အကြွေးကို အောင်မြင်စွာ စောဒကတက်ခဲ့ပြီး အကြွေးကို လျှော့ကျအောင် လုပ်ပေးခဲ့သည်။
“ကျွန်ုပ်တို့သည် အခန်းခ အကြွေးကို ပေးခဲ့ခြင်းဖြင့် သင်္ဘောသားများ၏ နိုင်ငံကူးလက်မှတ်များကို ချက်ချင်း ပြန်ရခဲ့သည်။ စားစာရာနှင့် အခြေခံ လိုအပ်သည့်အရာများကို ဝယ်ယူရန် သင်္ဘောဝန်ထမ်းများထံ ငွေပို့ပေးခဲ့ပြီး အိမ်ပြန်ရန် ရနိုင်သည့် နောက်တစ်ကြိမ်ထွက်မည့် လေယာဥ်ခရီးကို ဝယ်ယူခဲ့ပါသည်။ သင်္ဘောသားများမှာ ပင်လယ်ပြင်၌ လပေါင်းများစွာနေရန် ပြင်ဆင်ခဲ့သည့်အတွက်ကြောင့် ကျွန်ုပ်တို့သည် အထုတ်အပိုးများအတွက် အပိုကုန်ချိန်တင်နိုင်ရန် ဝယ်ယူခဲ့ပြီး သူတို့အနေဖြင့် ဟိုတယ်မှ အစ်စတန်ဘူလ် လေဆိပ်သို့၊ ယင်းမှတစ်ဖန် Kiev Borispol လေဆိပ်မှ Odessa သို့ ကူးပြောင်းသွားခဲ့ကြောင်း သေချာစေခဲ့သည်၊” ဟု Grygoriuk က ပြောကြားခဲ့သည်။
သြဂုတ်လ ၁၂ ရက်နေ့တွင် သင်္ဘောသား ခြောက်ဦးသည် Odessa မှ Karasu သို့ ဘေးကင်းလုံခြုံစွာဖြင့် ပြန်ခဲ့သည်။
“လိမ်လည်ခံရသည့် သင်္ဘောသားများသည် ယခုသော် မသမာသော စီမံသည့် ကိုယ်စားလှယ် Kharatyan ၏ သားကောင်အဖြစ်ခံရသူ အခြား အယောက် ၅၀ ကျော်နှင့် ဤလူအား ရပ်တံ့သွားစေရန် တရားဥပဒ လမ်းကြောင်းအရ အရေးယူရန်အတွက် ပူးပေါင်းရန် ရည်ရွယ်ကြသည်။”
အိမ်ပြန်ရောက်ရှိလာသည့် သင်္ဘောဝန်ထမ်းများအနက် တစ်ဦးဖြစ်သူ မာလိန်မှူး Oleg Lunyov က ပြောကြားခဲ့သည်မှာ သူသည် ITF ၏ အကူအညီအတွက် ကျေးဇူးတင်သော်လည်း သင်္ဘောသားများအပေါ် Kharatyan ၏ ခေါင်းပုံဖြတ် ခံခဲ့ရသည့် နည်းလမ်းကို စိတ်မကျေမချမ်းဖြစ်ပြီး စိတ်ဆိုးနေလျက်ရှိသည်။
“ကျွန်ုပ်တို့၏ သင်္ဘောဝန်ထမ်းများသည် အမှန်တကယ် အလုပ်လုပ်လိုခဲ့ကြသည်- ကျွန်ုပ်တို့သည် အခက်အခဲဆုံး အချိန်အခါ၌ ကျွန်ုပ်တို့အား အလုပ်ပေးမည်ဟု ကတိပြုခဲ့ပြီး မျှော်လင့်ချက်ပေးခဲ့သည့် လူများကို ယုံကြည်ခဲ့ကြသည်။ ကံမကောင်းစွာဖြင့် မအောင်မြင်ခဲ့သည့် သင်္ဘောဝန်ထမ်းများကိုယ်စား ကျွန်ုပ် ITF ကို အလွန် ကျေးဇူးတင်ရှိကြောင်း ဖွင့်ဟပြောလိုပါသည်၊” ဟု သူက ပြောကြားခဲ့သည်။
“ကျွန်ုပ်တို့သည် ITF အဖွဲ့၏ အတတ်ပညာရှင်ဆန်ဆန် အလုပ်နှင့် ယူကရိန်း သမဂ္ဂ၏ အကူအညီတို့ကို တွေ့ခဲ့ပါပြီး။”
ခံခဲ့ရသည့် သင်္ဘောသား နောက်တစ်ယောက်ဖြစ်သူ Cook Valeriy Rak က ပြောကြားခဲ့သည်မှာ “ပထမဦးဆုံး အခေါက်အတွက်အဖြစ်၊ ၎င်းသည် အမှန်တကယ် ဆိုးရွားပြီး ခါးသီးသော အတွေ့အကြုံဖြစ်ခဲ့သည်၊ သို့သော်လည်း ကျွန်ုပ် ဘာလုပ်နိုင်မည်နည်း။ ITF ကို ကျေးဇူးတင်ပါသည်၊ ကျွန်ုပ်တို့ ပြန်ရောက်လာပါပြီ။ ကျွန်ုပ်တို့သည် ငွေအချို့ကို ရှာလိုခဲ့ကြသည်၊ သို့သော် ကံမကောင်း အကြောင်းမလှခဲ့ပါ။ ဤခက်ခဲသည့် အချိန်အခါ အတွင်း အလုပ်အကိုင်ရှာရန် ခက်ခဲသလောက်ဖြစ်သည် – ကျွန်ုပ်တို့အနေဖြင့် မည်သည့်အလုပ်ကိုမဆို ယူရပါလိမ့်မည်။”
“ITF အား ကျွန်ုပ်တိို့နှင့်အတူ ရှိနေပြီး ကျွန်ုပ်တို့အား ပံ့ပိုးပေးခြင်းအတွက် ကျေးဇူးတင်ပါသည်၊” Rak က ပြောကြားခဲ့သည်။
လိမ်ညာခံရသည့် သင်္ဘောသားများ၏ ဖြစ်ရပ်ဇာတ်ကြောင်းမှာ သင်္ဘောသား လိမ်ဇာတ်လမ်းများ၏ ပြဿနာကို သတိထားဖြေရှင်းရန် အရေးတယူဖြစ်လာကြရင်း ယူကရိန်းနိုင်ငံ ဒေသ မီဒီယာများတွင် ဟိုးလေးတကျော် ဖြစ်ခဲ့သည်။
အဆိုပါ ကိစ္စကို ရောင်ပြန်ဟတ်ရင်း MTWTU’s Oleg Grygoriuk က ပြောကြားခဲ့သည်မှာ “၎င်းသည် အခြားသော သင်္ဘောသားများအား အလားအလာရှိသည့် အလုပ်လုပ်ရန် နေရာဖြစ်သည့် -သင်္ဘော- ကို မည်သည့်နေရာကိုမျှ သွားရောက်ခြင်း မပြုမီ သို့မဟုတ် သံသရမကင်းသော ကြားလူများကို ယုံကြည်ခြင်း မပြုမီ စစ်ဆေးရန် သတိထားရမည့် ပုံပြင်တစ်ခုအဖြစ် မှတ်ယူရမည်ဖြစ်ကြောင်း ကျွန်ုပ်တို့ မျှော်လင့်ပါသည်။”
“အမြဲတမ်းကဲ့သို့ – သင့် သမဂ္ဂကို ဆက်သွယ်ပါ။ သင် သားကောင်အဖြစ်ပြုကျင့်ခံရကြောင်း သို့မဟုတ် ခေါင်းပုံဖြတ်ခံရကြောင်း ကျွန်ုပ်တို့ မမြင်တွေ့လိုပါ။ ကျွန်ုပ်တို့ သင့်အတွက် ဤနေရာ၌ ရှိနေပါသည်၊” ဟု Grygoriuk က ပြောကြားခဲ့သည်။
မွတ္ခ်က္အသစ္မ်ားတင္ျခင္း